“100 நாட்களில் 1 லட்சம் கோடி ரூபாய் முதலீடு!” - வெற்றி தமிழ்நாடு முதலீட்டாளர்கள் மாநாட்டில் முதல்வர் விஜய் சாதனை!

 சென்னை | ஆகஸ்ட் 13, 2026

சென்னையில் இன்று (13.08.2026) நடைபெற்ற “வெற்றி தமிழ்நாடு முதலீட்டாளர்கள் மாநாட்டில்” தமிழக முதலமைச்சர் ச. ஜோசப் விஜய் முன்னிலையில், ரூ.67,452 கோடி முதலீடு மற்றும் 1,06,998 பேருக்கு வேலைவாய்ப்பு உருவாக்கும் வகையில் 97 புரிந்துணர்வு ஒப்பந்தங்கள் (MoU) கையெழுத்தாகின.

தமிழகத்தில் தவெக அரசு பொறுப்பேற்ற 100 நாட்களில் ரூ.1,02,514 கோடி மதிப்பிலான தொழில் முதலீடுகள் ஈர்க்கப்பட்டு, 1,21,788 பேருக்கு வேலைவாய்ப்புகள் உறுதியளிக்கப்பட்டுள்ளதாகத் தமிழ்நாடு அரசு பெருமிதத்துடன் தெரிவித்துள்ளது.

முதலீட்டாளர்கள் மாநாட்டின் முக்கியச் சிறப்பம்சங்கள்:

1. ரூ.67,452 கோடி புரிந்துணர்வு ஒப்பந்தங்கள்:

தொழில், முதலீட்டு ஊக்குவிப்பு மற்றும் வர்த்தகத் துறை சார்பில் ரூ.67,452 கோடி முதலீட்டில் 97 புரிந்துணர்வு ஒப்பந்தங்கள் மேற்கொள்ளப்பட்டன. இதில் 55 புதிய திட்டங்களும் (Greenfield), 50 நிறுவன விரிவாக்கத் திட்டங்களும் (Brownfield) அடங்கும்.

📖 ALSO READ

🪐 குரு பெயர்ச்சி 2026: மேஷம், கடகம் உள்ளிட்ட 5 ராசிகளுக்கு புகழ், பணவரவு, தொழில் முன்னேற்றம்!

✨ உங்க ராசி இருக்கா?

2026 குரு பெயர்ச்சியால் புகழ், பணவரவு, தொழில் வளர்ச்சி உள்ளிட்ட சிறப்பான பலன்களைப் பெறப்போகும் அந்த 5 ராசிகள் யார்? உங்கள் ராசியும் இதில் இருக்கிறதா என்பதை முழுமையாக அறியுங்கள். 🔮✨

2. வெளிநாட்டு நிறுவனங்களுடன் 7 சர்வதேச ஒப்பந்தங்கள்:

செயற்கை நுண்ணறிவு (AI), சைபர் செக்யூரிட்டி, செமிகண்டக்டர் மற்றும் உயர் தொழில்நுட்பப் பயிற்சி தொடர்பாகக் கஜகஸ்தான், நியூசிலாந்து மற்றும் ரஷ்யா ஆகிய நாடுகளின் அமைப்புகளுடன் 7 சர்வதேச ஒப்பந்தங்கள் கையெழுத்தாகின.

3. புதிய திட்டங்கள் தொடக்கம் & அடிக்கல் நாட்டு விழா:

• ரூ.4,476 கோடி முதலீட்டில் 8 புதிய திட்டங்களுக்கு அடிக்கல் நாட்டப்பட்டது.
• ரூ.2,676 கோடி முதலீட்டில் 5 நிறைவுற்ற திட்டங்களை முதல்வர் தொடங்கி வைத்தார்.
• பணிநியமன ஆணைகள்: 9 முன்னணித் தொழில் நிறுவனங்களில் தேர்வு செய்யப்பட்ட 20 நபர்களுக்குப் பணிநியமன ஆணைகளை முதல்வர் வழங்கினார்.

📖 ALSO READ

🐍 நாக சதுர்த்தியில் செய்ய வேண்டிய கால சர்ப்ப தோஷ பரிகாரம்!

கால சர்ப்ப தோஷம் நீங்க, ராகு-கேது அருள் பெற நாக சதுர்த்தி அன்று செய்ய வேண்டிய பூஜை முறை மற்றும் பரிகாரங்கள். 🙏✨

முக்கியத் திறப்பு விழாக்கள்:

• திருச்சி மொண்டிப்பட்டியில் டிஷ்யூ காகிதத் திட்டம்:

தமிழ்நாடு செய்தித்தாள் மற்றும் காகித நிறுவனத்தின் (TNPL) சார்பில் ரூ.350 கோடிச் செலவில் அமைக்கப்பட்ட டிஷ்யூ காகித வணிக உற்பத்தியை முதல்வர் திறந்து வைத்தார். தென்னிந்தியாவிலேயே முதன்முறையாக உலகளாவியத் தொழில்நுட்பத்தில் 'லூமியா' (Lumia) என்ற பிராண்டின் கீழ் உயர்தர டிஷ்யூ காகிதங்கள் சந்தைப்படுத்தப்படவுள்ளன.

• வல்லம் வடகல் ஏரோஹப் வளாகம்:

காஞ்சிபுரம் மாவட்டம், வல்லம் வடகலில் ரூ.250 கோடிச் செலவில் அமைக்கப்பட்டுள்ள 'ஏரோஹப்' (Aero Hub) வளாகம் திறந்து வைக்கப்பட்டது.

• சிப்காட் & வீட்டுவசதித் திட்டங்கள்:

சிப்காட் தொழிற்பூங்காக்களில் ரூ.122.08 கோடி மதிப்பிலான 11 புதிய கட்டிடங்கள் உட்பட மொத்தம் ரூ.777.74 கோடி செலவிலான முடிவுற்ற திட்டப் பணிகளை முதல்வர் திறந்து வைத்தார்.

சனி வக்ர பெயர்ச்சி பலன்கள் 2026:
மீனத்தில் வக்ரமாகும் சனி பகவான்!

உச்ச குருவின் பார்வையால் குவியப்போகும் அசுர நற்பலன்கள்! உங்க ராசிக்கு என்ன பலன்? - ஆடிமாதம் சூரி+குரு சேர்க்கை

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

 23 மாவட்டங்களில் தொழில் பரவலாக்கம்:

இன்றைய ஒப்பந்தங்களின் மூலம் சென்னை, திருவள்ளூர், காஞ்சிபுரம், கோயம்புத்தூர், திருநெல்வேலி, திருச்சி, கிருஷ்ணகிரி, வேலூர் உள்ளிட்ட 23 மாவட்டங்களில் தொழிற்சாலைகள் அமையவுள்ளன. குறிப்பாக, ராமநாதபுரம் மாவட்டத்தில் முதன்முறையாகப் புதிய தொழில் திட்டம் தொடங்கப்படவுள்ளது குறிப்பிடத்தக்கது.

இந்நிகழ்ச்சியில் தொழில் துறை அமைச்சர் எஸ். கீர்த்தனா, தலைமைச் செயலாளர் முனைவர் மு. சாய்குமார் மற்றும் அரசுத் துறை உயர் அதிகாரிகள் பலர் கலந்துகொண்டனர்.