"புத்தகப் பை சுமையைக் குறைத்தாலே குழந்தைகளுக்கு முதுகு வலி வராது!" - சென்னை அப்போலோ குழந்தைகள் எலும்பியல் நிபுணர் லோகேஷ் சர்மா அறிவுறுத்தல்!

 காஞ்சிபுரம் | ஜூலை 30, 2026

காஞ்சிபுரம் எகாம்பரநாதர் சன்னதி தெருவில் அமைந்துள்ள அப்போலோ மருத்துவமனை கிளையில், சென்னை அப்போலோ குழந்தைகள் மருத்துவமனையின் குழந்தைகள் எலும்பியல் பிரிவு சார்பில் சிறப்பு மருத்துவ முகாம் நடைபெற்றது.

இம்முகாமில் சென்னை அப்போலோ குழந்தைகள் மருத்துவமனையின் குழந்தைகள் எலும்பியல் அறுவை சிகிச்சை நிபுணர் மருத்துவர் லோகேஷ் சர்மா பங்கேற்று குழந்தைகளுக்கு மருத்துவ ஆலோசனைகளையும் பரிசோதனைகளையும் மேற்கொண்டார்.

ஆகஸ்ட் மாத ராசி பலன்கள் 2026
உச்ச குரு + புதாதித்ய யோகம்!

👑 எந்த ராசிக்கு பணவரவு அதிகரிக்கும்?
இந்த 3 ராசிக்கு ராஜயோகம்  💰 உங்க ராசி இதில் இருக்கா? 

♈ மேஷம்♉ ரிஷபம்♊ மிதுனம்♋ கடகம்♌ சிம்மம்♍ கன்னி♎ துலாம்♏ விருச்சிகம்♐ தனுசு♑ மகரம்♒ கும்பம்♓ மீனம்

 

சிறப்பு மருத்துவ முகாமின் சிறப்பம்சங்கள்:

இம்முகாமில் காஞ்சிபுரம் மற்றும் அதனைச் சுற்றியுள்ள பகுதிகளைச் சேர்ந்த ஏராளமான பெற்றோர்கள் தங்களது குழந்தைகளுடன் கலந்துகொண்டு பயனடைந்தனர். இதில் பின்வரும் பல்வேறு குழந்தைகள் எலும்பியல் சார்ந்த பிரச்சினைகளுக்குச் சிறப்பு ஆலோசனைகள் வழங்கப்பட்டன:

• பிறவிக் கால்பாதக் குறைபாடுகள் மற்றும் இடுப்பு மூட்டுப் பிரச்சினைகள்.
• வளர்ச்சி மற்றும் முதுகுத்தண்டு வளைவு, கைகள் மற்றும் கால்களின் வளர்ச்சி குறைபாடுகள்.
• கால்கள் வளைவு, எலும்பு முறிவு, காயங்கள் மற்றும் விளையாட்டு காயங்கள்.
• தொற்றால் ஏற்படும் எலும்புப் பிரச்சினைகள் மற்றும் நரம்பியல் கோளாறுகளால் ஏற்படும் பாதிப்புகள்.
• மூட்டு வலி மற்றும் வளர்ச்சி சார்ந்த பிரச்சினைகள்.

தேவையான குழந்தைகளுக்கு மேல்சிகிச்சை மற்றும் தொடர் மருத்துவப் பரிசோதனைகளுக்கான பரிந்துரைகளை மருத்துவர்கள் வழங்கினர். இம்முகாமிற்கான முழு ஏற்பாடுகளையும் அப்போலோ மருத்துவமனை நிர்வாகம் சிறப்பாகச் செய்திருந்தது.

செய்தியாளர்கள் சந்திப்பில் மருத்துவர் லோகேஷ் சர்மா பேட்டி:

முகாமிற்குப் பின் செய்தியாளர்களைச் சந்தித்த குழந்தைகள் எலும்பியல் அறுவை சிகிச்சை நிபுணர் மருத்துவர் லோகேஷ் சர்மா பெற்றோர்களுக்கு வழங்கிய முக்கிய அறிவுறுத்தல்கள்:

புத்தகப் பை எடையும் முதுகு வலியும்:

"குழந்தைகளுக்குச் சிறிய வயதிலேயே முதுகு வலி ஏற்படுவதற்கு மிக முக்கியமான காரணமே அவர்கள் அளவுக்கு அதிகமான எடையுள்ள புத்தகப் பையைச் சுமப்பதுதான்.

ஒரு குழந்தை தனது சொந்த உடல் எடையில் 10 சதவீதத்திற்கு மிகாமல் மட்டுமே புத்தகப் பையின் எடையைச் சுமக்க வேண்டும். பெற்றோர்கள் இதில் தனிக் கவனம் செலுத்திப் புத்தகப் பையின் சுமையைக் குறைத்தாலே குழந்தைகளுக்கு முதுகு வலி வராமல் தடுத்துவிட முடியும்" என்று அவர் வலியுறுத்தினார்.