காஞ்சிபுரம் களம்: அதிமுக, திமுக இடையே கடும் போட்டி - 8 சுயேச்சைகள் உட்பட 15 வேட்பாளர்கள் இறுதிப் பட்டியலில்!

 காஞ்சிபுரம் | ஏப்ரல் 11, 2026

தமிழகச் சட்டமன்றத் தேர்தலை முன்னிட்டு காஞ்சிபுரம் தொகுதியில் போட்டியிடும் வேட்பாளர்களின் இறுதிப் பட்டியலைத் தேர்தல் ஆணையம் வெளியிட்டுள்ளது. இதில் அங்கீகரிக்கப்பட்ட அரசியல் கட்சிகள் மற்றும் சுயேச்சைகள் என மொத்தம் 15 பேர் களத்தில் உள்ளனர்.

முக்கியக் கட்சி வேட்பாளர்கள் மற்றும் சின்னங்கள்:

வேட்பாளர் பெயர்	கட்சி	சின்னம்
வி. சோமசுந்தரம்	அதிமுக	இரட்டை இலை
நித்யா சுகுமார்	திமுக	உதயசூரியன்
ஆர்.வி. ரஞ்சித்குமார்	தமிழக வெற்றிக் கழகம்	விசில்
வெற்றிச்செல்வி	நாம் தமிழர் கட்சி	விவசாயி
பி. நந்தகுமார்	தமிழக ஊழல் ஒழிப்பு செயலாக்க கட்சி	பலாப்பழம்
வெ. சுரேஷ்	தமிழக வாழ்வுரிமை கட்சி	கேமரா
வி. வெங்கடேசன்	அ.பு.த. மக்கள் முன்னேற்றக் கழகம் (சசிகலா அணி)	தென்னந்தோப்பு

குழப்பத்தை ஏற்படுத்தும் 'ஒரே பெயர்' வேட்பாளர்கள்:

அதிமுக வேட்பாளர் வி. சோமசுந்தரம் அவர்களுக்குப் போட்டியாக, அதே பெயரில் மேலும் இருவர் சுயேச்சையாகக் களமிறக்கப்பட்டுள்ளனர்.

• ம. சோமசுந்தரம் (கிரிக்கெட் மட்டை) மற்றும் வி. சோமசுந்தரம் (தர்ப்பூசணி) ஆகிய இருவரும் பிள்ளையார்பாளையம் பகுதியைச் சேர்ந்தவர்கள்.

• காஞ்சிபுரத்தில் முதலியார் சமூக வாக்குகள் அதிகம் உள்ள நிலையில், அதே சமூகத்தைச் சேர்ந்த அதிமுக வேட்பாளரின் பெயரிலேயே மற்ற இருவர் போட்டியிடுவது வாக்காளர்களிடையே சிறிய குழப்பத்தை ஏற்படுத்த வாய்ப்புள்ளதாகக் கருதப்படுகிறது.

களத்தில் உள்ள மற்ற சுயேச்சைகள்:

காஞ்சிபுரத்தைச் சேர்ந்த ஞானமூர்த்தி (பலூன்), ஜி. பாபு (குக்கர்), மு. மேகநாதன் (கப்பல்), மற்றும் முத்தியால்பேட்டையைச் சேர்ந்த ச. டில்லிபாபு (வாலி) ஆகியோர் சுயேச்சையாகப் போட்டியிடுகின்றனர். இவர்களுடன் மோ. பாலாஜி (மோதிரம்) மற்றும் எ. தட்சிணாமூர்த்தி (வைரம்) ஆகியோரும் இறுதிப் பட்டியலில் இடம் பெற்றுள்ளனர்.

💔 நினைவு இருக்கும் வரை - Ep 5 💔

 தந்தைக்கு வந்த ஆபத்து! 

அதிர்ச்சியில் உறைந்த பரத்!

பரபரப்பான காட்சிளுடன்..

நினைவு இருக்கும் வரை - Ep 3 | Ninaivu Irukkum Varai | Tamil Web Series | 4K @K24TamilTV