தமிழகத் தேர்தல் திருவிழா: ஏப்ரல் 23-ல் வாக்குப்பதிவு – மே 4-ல் தேர்தல் முடிவுகள்! இன்று முதல் நடத்தை விதிகள் அமல்.

 சென்னை | மார்ச் 15, 2026

தமிழகத்தில் உள்ள 234 தொகுதிகளுக்கும் ஏப்ரல் 23-ம் தேதி ஒரே கட்டமாக சட்டமன்றத் தேர்தல் நடைபெறும் என்று இந்தியத் தலைமைத் தேர்தல் ஆணையர் ஞானேஷ்குமார் டெல்லியில் இன்று அதிகாரப்பூர்வமாக அறிவித்தார்.

தேர்தல் கால அட்டவணை:

தேர்தல் ஆணையம் அறிவித்துள்ள முக்கியத் தேதிகள் இதோ:

• வேட்புமனு தாக்கல் தொடக்கம்: மார்ச் 30, 2026

• மனு தாக்கல் செய்யக் கடைசி நாள்: ஏப்ரல் 06, 2026

• வேட்புமனு பரிசீலனை: ஏப்ரல் 07, 2026

• மனுவைத் திரும்பப் பெற கடைசி நாள்: ஏப்ரல் 09, 2026

• வாக்குப்பதிவு நாள்: ஏப்ரல் 23, 2026 (ஒரே கட்டம்)

• வாக்கு எண்ணிக்கை: மே 04, 2026

தேர்தல் முக்கியத் தரவுகள்:

• வாக்காளர்கள் எண்ணிக்கை: தமிழகத்தில் மொத்தம் 5.67 கோடி வாக்காளர்கள் உள்ளனர்.

• வாக்குச் சாவடிகள்: மாநிலம் முழுவதும் 75,032 வாக்குச் சாவடிகள் அமைக்கப்பட உள்ளன.

• சிறப்பு அம்சம்: இந்த முறை வாக்குப்பதிவு இயந்திரங்களில் வேட்பாளர்களின் வண்ணப் புகைப்படங்கள் இடம்பெறும்.

• புதுச்சேரி: புதுச்சேரியில் ஏப்ரல் 9-ம் தேதியே வாக்குப்பதிவு நடைபெறும்.

தேர்தல் நடத்தை விதிகள் அமல்:

தேர்தல் தேதி அறிவிக்கப்பட்ட அடுத்த நிமிடமே, தமிழகம், கேரளம், மேற்கு வங்கம், அசாம் மற்றும் புதுச்சேரி ஆகிய 5 மாநிலங்களிலும் தேர்தல் நடத்தை விதிகள் (Model Code of Conduct) உடனடியாக அமலுக்கு வந்துள்ளன. இதனால் அரசுப் பணிகளில் புதிய நலத்திட்டங்கள் அறிவிக்கவோ, செயல்படுத்தவோ தடை விதிக்கப்பட்டுள்ளது.

களத்தில் அரசியல் கட்சிகள்:

தேர்தல் தேதி வெளியான நிலையில் கூட்டணிகள் இறுதி வடிவம் பெற்று வருகின்றன:

• திமுக கூட்டணி: தொகுதிப் பங்கீட்டுப் பேச்சுவார்த்தைகள் இறுதிக்கட்டத்தை எட்டியுள்ளன.

• அதிமுக - பாஜக கூட்டணி(NDA): பாமக, அமமுக, தமாகா உள்ளிட்ட கட்சிகளுடன் தீவிரப் பேச்சுவார்த்தை நடந்து வருகிறது.

• த.வெ.க: நடிகர் விஜய் தலைமையிலான தமிழக வெற்றிக் கழகம் முதன்முறையாகத் தேர்தல் பணிகளில் முழுவீச்சில் இறங்கியுள்ளது.

• நாம் தமிழர்: சீமான் தலைமையிலான நாம் தமிழர் கட்சி ஏற்கனவே 234 தொகுதிகளுக்கும் வேட்பாளர்களை அறிவித்து பிரச்சாரத்தைத் தொடங்கியுள்ளது.

ELECTION COMMISSION OF INDIA - PRESS NOTE

• General Election to the Legislative Assemblies of Assam, Kerala, Tamil Nadu, West Bengal and Puducherry, 2026
  •  Sunday, 15th March 2026, 4:26 PM

•     Schedule for Bye-election to 8 (Eight) Assembly Constituencies of Goa, Gujarat, Karnataka, Maharashtra, Nagaland and Tripura
  •  Sunday, 15th March 2026, 4:27 PM

📥 Download Official ECI Document