காஞ்சிபுரத்தில் தேர்தல் களம் தீவிரம்: பதற்றமான வாக்குச்சாவடிகள் மற்றும் மின்னணு இயந்திர மையங்களில் ஆட்சியர் நேரடி ஆய்வு!

 காஞ்சிபுரம் | மார்ச் 17, 2026

தமிழக சட்டமன்றத் தேர்தலையொட்டி, காஞ்சிபுரம் மாவட்டத்தில் தேர்தல் பணிகள் முடுக்கிவிடப்பட்டுள்ளன. இதன் ஒரு பகுதியாக, பதற்றமான வாக்குச்சாவடிகள் மற்றும் வாக்குப்பதிவு இயந்திரங்கள் பாதுகாப்பு மையங்களை மாவட்ட ஆட்சியர் தி. சினேகா அவர்கள் இன்று (செவ்வாய்க்கிழமை) நேரில் பார்வையிட்டு ஆய்வு செய்தார்.

ஆய்வு செய்யப்பட்ட முக்கிய இடங்கள்:

வாக்குப்பதிவு இயந்திர மையங்கள்: 

மண்டல தேர்தல் அலுவலர்களுக்கு மின்னணு வாக்குப்பதிவு இயந்திரங்களை (EVM) பிரித்து அனுப்பி வைக்கும் மையங்களாகத் தேர்வு செய்யப்பட்டுள்ள பின்வரும் இடங்களை ஆட்சியர் ஆய்வு செய்தார்:

• திருப்புலிவனத்தில் உள்ள எம்.ஜி.ஆர் கலை மற்றும் அறிவியல் கல்லூரி.
• 
  
• கீழம்பியில் உள்ள திருமலை பொறியியல் கல்லூரி வளாகம்.

பதற்றமான வாக்குச்சாவடி ஆய்வு: 

காஞ்சிபுரம் மாநகராட்சிக்கு உட்பட்ட பிள்ளையார்பாளையம் அரசு நகராட்சி நடுநிலைப்பள்ளி, பதற்றமான வாக்குச்சாவடியாகக் (Vulnerable Polling Station) கண்டறியப்பட்டுள்ளது. 

இங்கு ஆய்வு மேற்கொண்ட ஆட்சியர், வாக்குப்பதிவு நாளன்று அங்கு மேற்கொள்ள வேண்டிய கூடுதல் பாதுகாப்பு நடவடிக்கைகள், வெப்-காஸ்டிங் (Web-casting) வசதிகள் மற்றும் கண்காணிப்பு குறித்து அதிகாரிகளுடன் விரிவான ஆலோசனை நடத்தினார்.

ஆய்வில் பங்கேற்ற அதிகாரிகள்:

இந்த ஆய்வின் போது தொகுதி தேர்தல் அலுவலர்களான ஆஷிக்அலி (காஞ்சிபுரம்), பு. விஜயகுமார் (உத்தரமேரூர்), வட்டாட்சியர்கள் நடராஜன், மோகன் மற்றும் வருவாய்த் துறை அலுவலர்கள் உடனிருந்தனர்.

வாக்குப்பதிவு எந்திரங்களின் பாதுகாப்பு மற்றும் வாக்காளர்கள் அச்சமின்றி வந்து வாக்களிப்பதற்கான அனைத்து ஏற்பாடுகளையும் மாவட்ட நிர்வாகம் போர்க்கால அடிப்படையில் செய்து வருவதாக ஆட்சியர் தெரிவித்தார்.