காஞ்சிபுரத்தில் தமிழ்நாடு தவ்ஹீத் ஜமாஅத் சார்பில் இரத்ததான முகாம்: 76 பேர் ஆர்முடன் பங்கேற்பு!

 காஞ்சிபுரம் | பிப்ரவரி 15, 2026

காஞ்சிபுரம் அரசு தலைமை மருத்துவமனை மற்றும் தமிழ்நாடு தவ்ஹீத் ஜமாஅத் (TNTJ) இணைந்து நடத்திய 41-வது தன்னார்வ இரத்ததான முகாம் இன்று (ஞாயிற்றுக்கிழமை) ஒலிமுகம்மது பேட்டையில் சிறப்பாக நடைபெற்றது.

🌿 எந்தப் பரிகாரமும் பலன் தரவில்லையா?

உங்கள் தலையெழுத்தே மாறும் மகா ரகசியம்! | தவறாமல் படிக்கவும் ⚡

🛒 புதிய தகவல் இதோ 👇

 

முகாம் விபரங்கள்:

ஒலிமுகம்மது பேட்டை நகராட்சி நடுநிலைப்பள்ளியில் நடைபெற்ற இந்த முகாமிற்கு தவ்ஹீத் ஜமாஅத் கிளைத் தலைவர் சாகுல் ஹமீது தலைமை தாங்கினார்.

• முன்னிலை: கிளைச் செயலாளர் முஜ்புர் ரகுமான், துணைத் தலைவர் சாகுல், துணைச் செயலாளர் அப்துல் ஆகியோர் முன்னிலை வகித்தனர்.

• வரவேற்பு: கிளைப் பொருளாளர் பாஷில் வரவேற்புரை வழங்கினார்.

இரத்தச் சேகரிப்பு:

அரசு தலைமை மருத்துவமனை மருத்துவர் ஸ்ரீ ராகுல் தலைமையிலான மருத்துவக் குழுவினர் இந்த முகாமில் இரத்தச் சேகரிப்புப் பணியை மேற்கொண்டனர். இளைஞர்கள் மற்றும் பொதுமக்கள் என மொத்தம் 76 பேர் ஆர்வத்துடன் முன்வந்து இரத்ததானம் செய்தனர்.

சாதனைப் பதிவு:

முகாமின் நிறைவில் மாவட்ட மருத்துவ அணியின் செயலாளர் சர்புதீன் உரையாற்றினார். அப்போது அவர் குறிப்பிட்ட முக்கியத் தகவல்கள்:

• இரண்டாண்டு சாதனை: கடந்த இரண்டு ஆண்டுகளில் மட்டும் காஞ்சிபுரம் கிளை சார்பில் 1,559 யூனிட் இரத்தம் தானமாக வழங்கப்பட்டுள்ளது.

• விருதுகள்: மனிதநேயப் பணியைப் பாராட்டி அரசுத் துறைகளில் இருந்து காஞ்சிபுரம் கிளைக்கு இதுவரை 12 விருதுகள் வழங்கப்பட்டுள்ளன.

அவசர காலங்களில் சாதி, மதம் கடந்து இரத்தம் வழங்கி வரும் தவ்ஹீத் ஜமாஅத் அமைப்பினரின் இந்தச் சேவை பொதுமக்களிடையே பெரும் நெகிழ்ச்சியை ஏற்படுத்தியுள்ளது.