ஜன. 25-ல் முதல்வர் வருகை: காஞ்சிபுரத்தில் 50,000 பேர் பங்கேற்கும் பிரம்மாண்ட பொதுக்கூட்டம் - எம்பி, எம்எல்ஏக்கள் ஆய்வு!

காஞ்சிபுரம் | ஜனவரி 21, 2026

காஞ்சிபுரத்தில் வரும் ஜனவரி 25-ஆம் தேதி நடைபெறவுள்ள மொழிப்போர் தியாகிகள் வீரவணக்க நாள் பொதுக்கூட்டத்தில் தமிழக முதலமைச்சர் மு.க.ஸ்டாலின் அவர்கள் பங்கேற்கிறார். இதற்கான பிரம்மாண்டமான ஏற்பாடுகளை மாவட்டக் கழக நிர்வாகிகள் போர்க்கால அடிப்படையில் மேற்கொண்டு வருகின்றனர்.

🔥 ஜனநாயகன் Vs சென்சார் போர்டு: இது சினிமாவா? அரசியலா? 

📌 வழக்கறிஞர் பட்டாபிராமன் சுவாமிநாதன் EXCLUSIVE

🔥 விஜய்க்கு குறி வைக்கப்படுகிறதா?

மைதானத்தில் நேரில் ஆய்வு:

காஞ்சிபுரம் பச்சையப்பன் ஆடவர் கல்லூரி விளையாட்டு மைதானத்தில் நடைபெறவுள்ள இப்பொதுக்கூட்டப் பணிகளை, உத்தரமேரூர் எம்.எல்.ஏ-வும் மாவட்டச் செயலாளருமான க. சுந்தர் தலைமையில், காஞ்சிபுரம் நாடாளுமன்ற உறுப்பினர் க. செல்வம், காஞ்சிபுரம் எம்.எல்.ஏ சி.வி.எம்.பி. எழிலரசன் ஆகியோர் இன்று (புதன்கிழமை) நேரில் ஆய்வு செய்தனர்.

ஆய்வு செய்யப்பட்ட முக்கிய பணிகள்:

• மேடை அமைப்பு: முதலமைச்சர் மற்றும் முக்கிய அமைச்சர்கள் அமரக்கூடிய பிரம்மாண்ட மேடை அமைக்கும் பணி.
• சாலை வசதி: முக்கியப் பிரமுகர்கள் மற்றும் முதல்வர் வாகனம் தடையின்றி மைதானத்திற்குள் வந்து செல்ல ஜெசிபி இயந்திரம் மூலம் அமைக்கப்பட்டு வரும் புதிய தற்காலிகச் சாலைகள்.
• வசதிகள்: 50,000-க்கும் மேற்பட்ட தொண்டர்கள் அமருவதற்கான இருக்கை வசதிகள், குடிநீர் மற்றும் கழிப்பிட வசதிகள் குறித்து விரிவாக ஆய்வு செய்யப்பட்டது.
• வாகன நிறுத்தம்: கூட்டத்திற்கு வரும் வாகனங்களை நெரிசலின்றி நிறுத்துவதற்கான பார்க்கிங் வசதிகள் குறித்தும் ஆலோசனை நடத்தப்பட்டது.

நிர்வாகிகளிடம் பேசிய மாவட்டச் செயலாளர் க. சுந்தர், "வரலாற்றுச் சிறப்புமிக்க இந்த வீரவணக்க நாள் கூட்டத்தை எவ்விதக் குறையுமின்றி மிகச் சிறப்பாக நடத்தி முடிக்க வேண்டும்" என அறிவுறுத்தி, பணிகளை விரைவுபடுத்துமாறு கட்டளையிட்டார்.

பங்கேற்ற முக்கிய நிர்வாகிகள்:

இந்த ஆய்வின் போது மாவட்ட இளைஞரணி அமைப்பாளர் யுவராஜ், தலைமை செயற்குழு உறுப்பினர் எம்.எஸ். சுகுமார், விளையாட்டு மேம்பாட்டு அணி அமைப்பாளர் சி. ராதாகிருஷ்ணன், ஒன்றியச் செயலாளர்கள் படுநெல்லி பாபு, பி.எம். குமார், மாமன்ற மண்டலக் குழுத் தலைவர் சந்துரு உள்ளிட்ட திமுக நிர்வாகிகள் பலர் உடனிருந்தனர்.