மீண்டும் பள்ளிக்குப் போகலாம் - வேப்பூர் அரசு பள்ளி முன்னாள் மாணவர்கள் 25 ஆண்டுகளுக்குப் பிறகு சந்திப்பு நிகழ்ச்சி

சேப்பாக்கம் டாக்டர் அம்பேத்கர் அரசு மேல்நிலைப்பள்ளியில் மறக்கமுடியாத தருணம்

கடலூர் மாவட்டம், வேப்பூர் அருகே உள்ள சேப்பாக்கம் டாக்டர் அம்பேத்கர் அரசு மேல்நிலைப்பள்ளியில், 2000-ஆம் ஆண்டு 10ஆம் வகுப்பு பயின்ற மாணவர்கள் 25 ஆண்டுகளுக்குப் பிறகு சந்திப்பு நிகழ்ச்சி உற்சாகமாக நடைபெற்றது.

அம்பேத்கர் சிலைக்கு மரியாதை

நிகழ்ச்சியில் பங்கேற்ற முன்னாள் மாணவர்கள் மற்றும் ஆசிரியர்கள் முதலில் பள்ளி நுழைவாயிலில் அமைந்துள்ள அம்பேத்கர் சிலைக்கு மாலை அணிவித்து மரியாதை செலுத்தினர்.

மாணவர்–ஆசிரியர் மீளிணைவு

இந்த நிகழ்ச்சியில் 100க்கும் மேற்பட்ட முன்னாள் மாணவர்கள் கலந்து கொண்டு தங்களின் பள்ளி நாட்களின் இனிய நினைவுகளை பகிர்ந்து கொண்டனர். மேலும், 22 ஆண்டுகளுக்கு முன்பு பாடம் எடுத்த ஆசிரியர்கள் நிகழ்ச்சியில் கலந்து கொண்டனர். அவர்களுக்கு முன்னாள் மாணவர்கள் சார்பில் பொன்னாடை அணிவித்து, நினைவுப் பரிசுகள் வழங்கி கௌரவிக்கப்பட்டது.

பள்ளிக்கு அன்பளிப்பு

முன்னாள் மாணவர்கள் சார்பில், பள்ளிக்காக ₹25,000 மதிப்புள்ள ஒலிபெருக்கி (Speaker System) அன்பளிப்பாக வழங்கப்பட்டது. இது பள்ளி விழாக்கள் மற்றும் அன்றாட பயன்பாட்டிற்கு பெரிதும் உதவும் வகையில் அமைந்துள்ளது.

ஆசிரியர்களின் உரைகள்

நிகழ்ச்சியில் கலந்து கொண்ட ஆசிரியர்கள் தங்களின் அனுபவங்களை பகிர்ந்து கொண்டு, முன்னாள் மாணவர்களின் சாதனைகளைப் பாராட்டி வாழ்த்துகள் தெரிவித்தனர்.

இந்த நிகழ்ச்சி பள்ளி மாணவர்களுக்கு ஒரு ஒற்றுமை, நன்றியுணர்வு மற்றும் கல்வி மதிப்பு ஆகியவற்றை எடுத்துக்காட்டியது.

 📰 செய்தியாளர்: R. காமராஜ் (9080215691)

🎥 ஒளிப்பதிவாளர்: V. வேல்முருகன் (8072117545)

📌  Fruits Are Yummy! 🍎🍌 Energetic & Happy Mood Songs

🎉 Don’t forget to LIKE 👍 and SUBSCRIBE 🔔 to join the fun!