ஜன.12 முதல் மருத்துவ மேற்படிப்புகளுக்கான (NEET-PG )கலந்தாய்வு தொடக்கம்

புதுடெல்லி :

உச்சநீதிமன்றத்தின் அனுமதியை அடுத்து, நீட் தேர்வு அடிப்படையில் கவுன்சிலின் நடைபெறும் தேதியை மத்திய சுகாதாரத்துறை அமைச்சர் மன்சுக் மாண்டவியா அறிவித்துள்ளார்.

2021 - 2022ஆம் ஆண்டுக்கான  நீட்  மருத்துவ பட்ட மேற்படிப்பு (NEET-PG) தேர்வுகள் கடந்த செப்டம்பர் மாதம் 11ம் தேதி நடைபெற்றன. இந்த தேர்வுகள் இரண்டு முறை அறிவிக்கப்பட்டு பின்னர் ஒத்தி வைக்கப்பட்டு நடந்தன. தேர்வு முடிவுகள் செப்டம்பர் மாதம் கடைசி வாரத்தில் வெளியிடப்பட்டன.

இது தொடர்ந்து தேர்வு பெற்ற மாணவர்களுக்கு ஆலோசனைகள் வழங்கப்பட வேண்டும். அந்த ஆலோசனைகள் அடிப்படையில்தான் 45 ஆயிரம் மருத்துவ பட்ட மேற்படிப்பு கல்வி இடங்கள் நிரப்பப்பட வேண்டும்.

இந்நிலையில், மருத்துவ படிப்புகளில் அகில இந்திய இட ஒதுக்கீட்டில் இதர பிற்படுத்தப்பட்ட பிரிவினருக்கு 27 சதவிகிதம் மற்றும் பொருளாதாரத்தில் பின்தங்கிய முற்பட்ட வகுப்பினருக்கு 10% இட ஒதுக்கீட்டை இந்த ஆண்டு முதல்  அமல்படுத்தும் அரசாணைக்கு எதிராக பல்வேறு முதுகலை மாணவர்கள் உச்ச நீதிமன்றத்தில் மனுத்தாக்கல் செய்திருந்தனர். 

திமுக சார்பில் உச்ச நீதிமன்றத்தில் இவ்விவகாரம் தொடர்பாக மனு ஒன்றும் தாக்கல் செய்யப்பட்டது. 

இந்த வழக்குகள் காரணமாக, முதுகலை மருத்துவ படிப்புகளுக்கான கலந்தாய்வு நிறுத்தி வைக்கப்பட்டது. 

இதற்கிடையில் ஆலோசனைகளை விரைந்து நடத்தும்படி பட்டமேற்படிப்பு மாணவர்கள் ஒரு வாரகாலம் போராட்டம் நடத்தினார்கள்.

மத்திய அரசும் இந்த ஆண்டுக்கு இப்பொழுது அமலில் உள்ள தகுதி நிபந்தனைகள் அடிப்படையில் ஆலோசனைகள் நடத்த அனுமதிக்கும்படி கேட்டுக் கொண்டது. அதனை ஏற்று உச்ச நீதிமன்றம் கடந்த ஜனவரி 7 ஆம் தேதியன்று 2021-22ஆம் ஆண்டுக்கான மருத்துவ பட்ட மேற்படிப்பு ஆலோசனைகளை நடத்த அனுமதி வழங்கியது. 

இதையடுத்து ஜனவரி 12ம் தேதி முதல் நீட் தேர்வில் வெற்றி பெற்ற மருத்துவ முதுகலை படிப்பு மாணவர்களுக்கான கலந்தாய்வு தொடங்கும் என்று மத்திய சுகாதாரத்துறை அமைச்சர்  மன்சுக் மாண்டவியா அறிவித்துள்ளார். 

இது தொடர்பாக தமது அதிகாரப்பூர்வ ட்விட்டர் கணக்கில், அவர் பதிவிட்டிருப்பதாவது,

நீட்-பிஜி கவுன்சிலிங் ஜனவரி 12ம் தேதி  தொடங்குகிறது. இது கொரோனாவுக்கு எதிரான போராட்டத்தில் நாட்டிற்கு மேலும் பலத்தை அளிக்கும். உச்ச நீதிமன்றத்தின் உத்தரவைத் தொடர்ந்து, குடியுரிமை மருத்துவர்களுக்கு சுகாதார அமைச்சகம் உறுதியளித்தது. 

கவுன்சிலிங்கில் கலந்து கொள்ளும் அனைத்து மாணவர்களுக்கும் எனது நல்வாழ்த்துக்கள். இவ்வாறு மன்சுக் மாண்டவியா தமது ட்விட்டர் பதிவில் தெரிவித்துள்ளார்.