கொரோனா சிகிச்சை கட்டணம் மாற்றியமைப்பு - தமிழக அரசு

சென்னை

முதலமைச்சர் மருத்துவ காப்பீடு திட்டத்தின் கீழ் தனியார் மருத்துவமனையில் ஆக்சிஜனுடன் கூடிய சிகிச்சைக்கு தினமும் ரூ.15,000 என இருந்த நிலையில் தொகுப்பாக ரூ.7,500 என மாற்றியமைக்கப்பட்டுள்ளது.

தனியார் மருத்துவமனையில் முதலமைச்சர் மருத்துவ காப்பீடு திட்டத்தின் கீழ் கொரோனாவுக்கு சிகிச்சை பெறுவோருக்கான கட்டணத்தை தமிழக அரசு மாற்றி அமைத்துள்ளது.

அதன் அடிப்படையில் தீவிரம் இல்லாத கொரோனா சிகிச்சைக்கு நாளொன்றுக்கு ரூ. 5000 என்று நிர்ணயம் செய்துள்ளது.

ஆக்சிஜனுடன் கூடிய சிகிச்சைக்கு தினமும் ரூ.15,000 என இருந்த நிலையில் தொகுப்பாக ரூ.7,500 என மாற்றியமைக்கப்பட்டுள்ளது.

மேலும் வெண்டிலேட்டர் அல்லாத தீவிர சிகிச்சைக்கு நாளொன்றுக்கு ரூ.30,000 மற்றும் தீவிர சிகிச்சை பிரிவில் நாளொன்றுக்கு ரூ.25,000 என்று நிர்ணயம் செய்யப்பட்டுள்ளது.

கடுமையான சுவாச செயலிழப்பு ஏற்பட்டு வெண்டிலேட்டர் தேவையில்லையெனில் தொகுப்பு கட்டணம் ரூ.27,100 என்றும் அறிவிக்கப்பட்டுள்ளது.