அதிமுகவை விட திமுக சார்பில் அதிகம் போட்டியிடும் புரஃபஷனல்

சென்னை:

அதிமுக, திமுக இருகட்சிகளிலும் 12 டாக்டர்கள், 63 வக்கீல்கள், 18 என்ஜினீயர்கள் தேர்தல் களத்தை சந்திக்கிறார்கள்.

அரசியல் கட்சிகள் தேர்தலில் வெற்றிபெற தகுதியான வேட்பாளர்களை தேர்வு செய்வார்கள். அதுமட்டுமல்ல கட்சி வெற்றி பெற்று ஆட்சி அமைக்கும் சூழல் ஏற்பட்டால் பல துறைகளில் சிறந்து விளங்குபவர்கள் பல பொறுப்புகளுக்கு தேவைப்படுவார்கள். இதையெல்லாம் கருத்தில் கொண்டே வேட்பாளர்களை தேர்வு செய்வார்கள்.

இந்தமுறை அ.தி.மு.க. மற்றும் தி.மு.க.வில் டாக்டர்கள், வக்கீல்கள், என்ஜினீயர்கள் கணிசமாக இடம் பெற்றுள்ளார்கள். அ.தி.மு.க.வில் 3 டாக்டர்கள், தி.மு.க.வில் 9 டாக்டர்கள் வேட்பாளர்களாக உள்ளனர். வக்கீல்களை பொறுத்தவரை அ.தி.மு.க.வில் 32 பேரும், தி.மு.க.வில் 31 பேரும் உள்ளனர். அ.தி.மு.க. வேட்பாளர்களில் என்ஜினீயர்கள் 6 பேர், தி.மு.க. வில் 12 பேர்.

மொத்தத்தில் இருகட்சிகளிலும் சேர்ந்து 12 டாக்டர்கள், 63 வக்கீல்கள், 18 என்ஜினீயர்கள் தேர்தல் களத்தை சந்திக்கிறார்கள்.